قبل تشطيب الشقة في مصر لازم تعرف المعلومات دي

بين استلام الشقة على الطوب الاحمر واستلامها على المفتاح هناك مراحل عديدة في تشطيب الشقة ، ولكل مرحلة من مراحل التشطيب بعض المشاكل التي من الممكن أن تتعرض لها وتكون نتيجتها هي استلام مرحلة فيها عيوب هتبان مع الوقت أو إنك تخسر فلوس في المرحلة دي عشان تصلح مشاكل التشطيب اللي تكون ناتجة من الصنايعية أو من عدم المتابعة الشخصية منك

في طريقين لتشطيب الشقة متعارف عليها أما إنك تتجه لأحد شركات التشطيب وتستعين بمهندسينها وخبرتهم الكبيرة في تشطيب الشقق وتوفر على نفسك المجهود والوقت اللي هتكون فيه لو اخترت الطريقة الثانية وهي انك تشوف افضل الصنايعية في كل مرحلة وتتفق معاهم وتتابع كل خطوة بيشتغلوا فيها عشان تتأكد إن هل ده اللي انت محتاجه ؟ ولو في غلطات فيه هتكون النتيجة هي أنك تتقبل الغلط وساعتها هتكون خسرت جزء من الهوية المستقبلية اللي عايز تبنيها في بيتك أو إنك تخسر فلوس تصلح الغلط اللي حصل ، وفي كلا الطريقين لأزم تكون عارف إيه اللي بيتم في شقتك عشان تكون النتيجه هى استلام شقة خالية من أي غلطات وزي مانت محتاجها بالظبط 

مراحل تشطيب الشقة

من بداية الاستلام فيه مراحل مختلفة للتشطيب ، بداية من مرحلة التقسيمات الداخلية مررواً ب 7  مرحلة آخرين للوصول لمرحلة النهاية واللي تعرفهم بالترتيب

المرحلة الأولى  التقسيمات والإنشاءات الداخلية 

دي أول مرحلة واللي فيها بتحدد الشقة بتاعتك هتكون تقسيمها إزاي هل محتاج تعدل وتضيف حاجة في تقسيم الشقة واللي بتكون قبل إي تشطيب هيكون فيها وفي وقت ماتكون الشقة على الطوب الأحمر عشان يكون الإضافة أو التعديل افضل واحسن بكتير وميكونش في تغييرات في المرحلة الثانية وعشان تكون مرحلة التقسيم مناسبة لاحتياجاتك كل اللي بتكون محتاجه هو طوب ومونة والطوب فيه منه نوعين ( المخرم – المقفول ) المخرم هو النوع الأفضل في الطوب لأنه يسمح أن المونة تغلغل فيه وبالتالي يزيد من قوة وصلابة الجدار اللي تبنيه أما النوع المقفول فده له اول عيب فيه انه بيبقى ضعيف وحجمه صغير على عكس المخرم وبالتالي ما يسمح بتغلغل المونة ويقلل من قوة الجدار ولكن على الجانب التاني سعره ارخص وممكن نستخدمه مرة تانية في بناء الجدار تاني

كل اللي بيكون مطلوب منك في المرحلة دي هي متابعة الصنايعي في حاجتين إن التقسيمات اللي عايزها تكون مقاسات مضبوطة وإن في بناء الجدار الجديد يستخدم الخيط والمسطرة عشان يكون وده لضمان تساوي الجدار لتفادي عيوب المحارة في المراحل التالية

المرحلة الثانية  الكهرباء و السباكة والصحي 

دي المرحلة اللي بيكون فيها تحديد المكان وتقسيم الكهرباء عندك في الشقة واماكن مفاتيح الكهرباء وتقسيمه الإضاءة ، كل ده لأزم يكون محدد بطريقة صحيحة عشان يكون عندك توزيعات كهربائية في شقتك مناسبة لاحتياجاتك ، وكمان متناسبة مع ديكور المنزل عموماً

اما بخصوص السباكة فإنك تكون عارف مقاسات الاجهزة الكهربائية زي البوتاجاز والشغالة والتلاجة دي نقطة مهمة لأن على أساسها بيبدأ السبال يعرف أماكن الصرف والتوزيع الصح ليهم وفي نقطة السباكة محتاج تعرف حاجة مهمة جداً ، وهي إن عزل الحمام بمواد عازلة بشكل جيد من البداية والتأكد من ده بيضمن ان ميكونش فيه تسريب مياه في الشقة او إنك يكون في داعي لتكسير الحمام وتركيبه مرة أخرى بتكاليف إضافية

المرحلة الثالثة  النجارة 

دي مرحلة سهلة كل اللي بيبقى مطلوب منك تحديده هو نوع وشكل حلوق الأبواب و الشبابيك في الشقة  ، ابواب الشقة الأساسي له 3 أنواع أما خشبي ، خشبي أو حديدي ، مصفح ” هو الأحدث الأن ” 

بعض النصائح عند تركيب الحلوق

لو كان باب الشقة من الخشب اتأكد إن الحلق او اطار الحلق يكون بسمك 2 بوصة يعني تقريباً 5 سم والعرض يكون تقريباً 90سم

الابواب الخشبية معرضة لبعض الشقوق أو الكسور فتأكد وانت بتشتري إنها تكون خالية من أي عيوب في الخشب

وقت تركيب الباب اتأكد ان النجار بيستخدم ميزان عشان الباب يكون مستقيم على الأرض بدون الحاجة لتعرضه للميول بعد كدة

 

المرحلة الرابعة  المحارة 

هي خطوة أساسية في تجهيز الشقة هدفها زيادة قوة وصلابة الجدار أو الحائط في شقتك عن طريق إنشاء جدار أسمنتي إضافي ، كمان ليها دور أساسي في إن دهان الشقة أو التشطيب النهائي يكون بشكل جيد ومن المتعارف عليه في السوق المصري والصنايعية المسئولين عنها هو ان في 3 أنواع مختلفة ،الأختلاف بينهم بيكون في الأسعار وفي الكمية الاسمنتية المستخدمة في الصناعة نفسها وفي الجودة النهائية .

النوع الأول : محارة الإدة أو النظر

النوع الثاني : محارة البؤج والأوتار

النوع الثالث : محارة البوؤج والاوتار والزاوية الفليكسيبل

المرحلة الخامسة ” المصيص الاسقف والكرانيش “

في المرحلة دي بيكون هدفها هي أن يتم في تزين الأسقف وعمل بيوت النور أو بيوت الستائر و أماكن الاسبوتات

المرحلة السادسة  السيراميك والارضيات 

ودي المرحلة اللي يتم فيها تركيب السيراميك حسب النوع اللي اختارته ولازم تتأكد ان الصنايعي اللي شغال في السيراميك بتاع شقتك بدأ صح زي ماانت عايز بالظبط وإنك تكون متابع لأن في حالة إن البداية كانت غلط ساعتها هيكون النتيجة هي التكملة الغلط وفي وقت التصليح هيكون في خسائر عشان كدة تجنب فكرة الخسارة من البداية

الأرضيات ديكورها الخاص في منزلك يجب أن يتمتع بالتمييز والطابع العصري والجمالي في آن واحد ، فمع اختلاف التصاميم والأنواع يظل الاهتمام بالطابع الجمالي والعصري هو الاهتمام الأول في الاختيار ، حيث يجب عليك أن يكون الاختيار الذي تقوم به عند شراءك لارضيات منزلك

 

 المرحلة السابعة   مرحلة الدهان 

دي اخر مرحلة في تشطيب الشقة ، لو اختارت الوان الدهان ودرجاتهم أبدا في المرحلة دي وأنت متأكد إن كل المراحل السابقة تمت على اكمل وجه وبعد الانتهاء بيكون مرحلة التشطيب في شقتك عموماً منتهية وتبدأ في مرحلة التجهيز الفعلي لشقتك من اختيار الاثاث والديكورات الإضافية في الشقة

اكيد محتاج توفر على نفسك مجهود ووقت كل المراحل دي وتكون النتيجة في النهاية استلم شقتك بنفس المواصفات اللي محتاجها واللي متناسبة مع رغبتك الشخصية