Loading...

الوصايا السبع لبناء منزل جديد 2018

إنك تاخد قرار لبناء منزل جديد  أو إنك تعمل تعديل ده قرار لأزم يكون مدروس ومبني على أسس وخطوات صح وده لأن  العاكس الأساسي لبناء منزل جديد بيوضح  أنت مين ، شخصيتك إزاي وكمان طريقة ومكان وشكل حياتك الجديدة.

في مقولة بتقول إن طريقة بناء منزلك هي الفرصة لتحديد علاقتك مع العالم ، مع عيلتك وكمان مع نفسك وده بسبب إن بناء المنزل مبيكونش بس عبارة عن تحديد عدد الغرف أو ألوانها أو شكلها إلا أنه كمان بيكون أشبه بتحديد الهوية المستقبلية لطريقة معيشتك.

أسس تحديد الهوية لبناء منزل جديد 2018

تحديد الهوية بطريقة سليمة محتاج ان يكون عندك الاساسيات السبع لبناء أي منزل عشان تكون النتيجة مرضية ومتوافقة تماماً مع طموحاتك ورغباتك الشخصية . ودول أهم سبع وصايا تقدر تبني بيهم بيتك  بكل اللي بتتمناه وفي نفس الوقت بتكلفة أقل وفي وقت أسرع بالطريقة الأنسب لهويتك المستقبلية الجديدة ..

1-حدد هدفك في البداية .

أكيد هدفك الأساسي إنك يكون عندك بيت بالمواصفات اللي عايزها وبأفضل تكلفة ، بس قبل مايكون ده هدفك الأساسي اللي بتحاول تحقيقه لأزم يكون  أجوبة الأسئلة دي  هي العامل المساعد ليك عشان يثبتلك هل هتعرف تحقق الحلم ده والا محتاج تعدل فيه عشان يبقى مناسب لظروفك و إمكانياتك ورغباتك الشخصية كمان:

  1. ايه اللي محتاج تحققه في بيتك ؟
  2. فين المكان اللي محتاج تحقق فيه هدفك ؟
  3. التكلفة الإجمالية التقريبية لتحقيق الهدف ؟
  4. هل سهل توفير اللي محتاجه وألا لا ؟
  5. في Plan B أو خطوة بديلة في حالة تغيير أي شئ وأيه هي  ؟

كل الاجابات دي هتساعدك تحقق هدفك في الأول بشكل سليم

2-حددت الهدف ، حدد الميزانية

تحديد الميزانية الإجمالية للبناء ثاني أهم الأسس اللي هتقربك من امتلاك هوية المعيشة

عشان تتأكد إن الميزانية المتوفرة ليك مناسبة لطموحاتك اللي بتتمناها في بيتك . إحسب !!

أبدأ أكتب كل اللي محتاجه في بيتك من أول أكبر حاجة لغاية أقل حاجة هتكون محتاجها ، زي الديكورات ، الإنشاءات ، تكلفة العمالة وغيرها ، كل ده بمجرد ما تحسبه هيكون عندك إمكانية إنك تحدد هل تبدأ في تنفيذ هدفك وألا إنك محتاج ان  تكون ميزانيتك أكبر

3-اختار مكان هويتك

من ضمن الأسئلة اللي لأزم تكون قدامك وأنت بتحدد هدفك هي اني هقدر احقق الهدف ده في انهي مكان ؟

اختيار المكان ومدى توافر العوامل الصحية السليمة فيه هي نقطة أساسية في تحقيق الهدف وده لأنه اختيارك يترتب عليه خطوات تانية بعد كدة ، من ضمن المعايير المهمة في اختيار المكان هو إنه يكون صحي و مناسب لشخصيتك ويكون مكان محاط بخدمات هتساعدك في إتمام احتياجاتك .وراعي أن يكون اختيارك للمكان هو غير مكلف بميزانية إضافية للتجديد بشكل كبير أو للإصلاحات .

4-اختار مساعدينك في تحقيق هدفك .

لأن لكل تخصص مَتخصص فأكيد مش هتكون قادر إنك تقوم بكل المهام اللي هتوصلك لحلمك وده لأن أكيد هيكون للمَتخصصين الكفاءة والسرعة الغير متوفرة عندك في جميع المهام ، وده بترتيب عليه إنك تختار بشكل محترف ومختلف مين مساعدينك ؟!

5-الخطة سر النجاح

تحديد الخطة اللي هتمشي بيها للوصول لهدفك هي الوسيلة الأفضل لضمان تحقيقه ، وتحديد الخطة بيكون له قواعد:

1-قاعدة ” ماذا لو” – الإجابة على السؤال ده هي البديل لاحتمالية تغيير أو تبديل في الإمكانيات أو في التصميمات والألوان والأشكال المطلوبة من البداية واللي بيجنك التعرض للخسارة في أي وقت أو في التكلفة وأغلب المتخصصين المحترفين بيكون عندهم البدائل للاحتمالات المعرضين ليها.

2- قاعدة “المناقشات تولد الأفكار” اختيارك للمساعدين أو للمتخصصين مش بس بيكون لإنجاز المهام إلا أنه كمان بيكون مولد افكار هائل ، وده بيوجهك أن يكون ليك اعتماد كبير على المناقشات في أهم التفاصيل واللي منها بتولد لك أفكار جديدة أو بتحسن من الأفكار المطلوبة أو المعروضة بشكل فعلي.

6-القبَول بالمحتوم

مَعرض بأشكال مختلفة لبعض التغييرات في المرحلة التنفيذية الفعلية لهويتك وده علاجه وطرق مواجهته بتكون عن طريق المناقشات والتفكير في الحلول بطريقة منظمة بالإضافة للرجوع للبدائل الي تم تحديدها قبل كدة في قاعدة “ماذا لو”

7-محطة الوصول  

تنفيذ الوصايا السابقة بشكل مرتب ومنظم بتقربك كل خطوة عن اللي قبلها لمرحلة الوصول وتحقيق الهدف وهو امتلاك بيت يناسب شخصيتك  ورغباتك ، ولكن في لحظة الاستلام لأزم يكون في تأكيد على إن اللي تم تنفيذه هو فعلاً المقبول والمَرضي ليك ، وده بيعتمد بشكل كبير على بدء المحطات بطريقة محددة ومنظمة ومتوافقة مع احتياجاتك وإمكانياتك.