قبل استلام اعمال السيراميك ، محتاج تتأكد من
لا غني عن السيراميك في شقتك فأين مكان استخدامه وحجمه ولونه ونوعه ، إنت دائماً محتاج يكون معاك المرجعيات اللي تقيم على أساسها إذا كان نوع السيراميك وخامته اللي تستلمها سواء من مكان الشراء او من عمال السيراميك هي الخامة والجودة اللي تضمن ليك دائماً إن اللي تدفعه بتلاقي مقابلة اللي محتاجه واللي بيضمنلك إنك مش هتحتاج تخسر فلوس ووقت تاني
المرحلة الأولى
نصائح لشراء السيراميك
و انت بتشتري سيراميك شقتك محتاج تكون متأكد من
شراء السيراميك من مكان ذو ثقة وله علامة تجارية مميزة ، في إسم الشركة المصنعه للسيراميك وكونه محلي الصنع او مستورد أمر مهم جداً
نوع الفرز اللي اختارته للسيراميك ، خلى دائماً نوع الفرز بين الأول والثاني وده بيضمن لك إن نوع السيراميك و لونه جيد للاستخدام وغير معرض للخدوش والجروح بشكل كبير ، كمان بيضمنلك ان المقاس اللي مختاره للسيراميك هو مقاس واحد ومتساوي
طريقة التشوين للسيراميك تكون محكومة بشكل كبير تجنباً لأي عرضة للكسر أو الخدش في السيراميك
ملمس السيراميك أمر مهم في اختياره والمقصود هنا ما بين السيراميك ذات درجة عالية من الخشونة والنعومة ، اختيار ملمس السيراميك وفقاً للطبيعة المكان المستخدم فيها ، فإذا كان مستخدم في غرفة الأطفال ، المطابخ والحمامات تجنب استخدام السيراميك ذات الملمس الناعم ، حتى تتجنب الانزلاق والتزحلق وضمان الحصول على عنصري الأمان والجودة في نفس الوقت
اتأكد من السعر المعروض دائماً وقارن بين الأسعار المختلفة للعلامات التجارية المختلفة ، فلكل علامة تجارية معينة سعر خاص بها يعتمد على جودة خاماتها وأشكالها العصرية ، ولكن السعر امرك مهم ، ابتعد على الرخيص تماماً حتى لا تحتاج لتغييره مرة اخرى وإيضاً ابتعد عن المغالاة ، وكن على علم كامل بالعروض المقدمة من كل علامة تجارية مختلفة
في شراء السيراميك ذات النقوش ، تأكد من تناسق النقشة و خلوها من اي عيوب
أقرا عن 5 نقاط لاختيار حجم ولون السيراميك
المرحلة الثانية
استلام اعمال السيراميك من الصنايعية
في المرحلة دي بعد اختيار اللون والحجم وقمت بالاستلام والبدء في التنفيذ الفعلي ، محتاج يكون عندك مجموعة من النقاط ترجع لها في وقت التنفيذ والاستلام لضمان الحصول على الجودة الجيدة
في نوعين لتركيب السيراميك
تركيب سيراميك الحوائط
وده اللي بيكون في الجدران سواء في المطابخ أو الحمامات وفي استلامه لأزم تتأكد إن في
إسترباع للحوائط وتحديداً أماكن الغلايق
عمل اول صف كبداية لضبط المنسوب المطلوب للسيراميك
أتأكد من طرطشة الحوائط قبل تثبيت السلك
اتأكد إن العواميس الأفقية والرأسية موحدة السمك ومتعامدة ومستقيمة
التأكد من عدم وجود اختلاف في لون البلاط
التأكد من صحة وجود غلايق البلاط حول الفتحات وفي الأركان
وجودة سقية البلاط
تركيب سيراميك الأرضيات
التأكد من سمك طبق الردم أسفل السيراميك ويجب ان لاتزيد عن 10 سم وإذا زادت يتم اضافة اسمنت لتصبح مونة
التأكد من نظافة الردم المستخدم قبل البدء
التأكد من انتهاء أعمال التمديدات الصحية والكهربائية في الأرضيات قبل البدء في العمل
استواء السوك بلاطات السيراميك وتعامد الأحرف
انتظام خطوط اللحام بين صفوف السيراميك في الاتجاهين
عدم وجود فراغات في اسفل البلاطة ( اتاكد من الضغط عليها )
أفقية منسوب الأرضية واتجاه الميل في آن واحد ( في الحمامات والمطابخ )
التأكيد على تقطيع الغلايق والأجزاء البلاطات عن طريق ماكينات تقطيع للحصول على خطوط مستقيمة
التأكد من جفاف المونة قبل البدء في الأعمال السفلية
عدم الحركة على الأرضيات التي تم تركيبها حديثاُ حتى لا يحدث تنسن أو خلخلة هذه البلاطات
تفريغ العراميس من الأتربة جيداً ونظافة البلاطات قبل أعمال التسقية
التسقية تكون من خلال الأسمنت الأبيض أو اسمنت ابيض مخلط مع اكاسيد الالوان المختلفة المراد استخدامها في العواميس
تتأكد ان الصنايعي اللي بيعملك سيراميك شقتك منفذ لك كل الشغل ده عشان تضمن الحصول على جودة في الشغل و متحتاجش إنك تكسر او تغير حاجة بعد التسليم والأفضل ليك إنك تتابع الصنايعي في وقت الشغل خطوة بخطوة
والأهم إنك تضمن إن اللي يشطب لك سيراميك الشقة حد موثوق فيه ، وده مبيحصلش الا اذا كان جربه قبل كده او انك تتعاقد مع شركة تشطيبات توفر عليك كل الخطوات والجهد ده