اعرف الفرق بين انواع المحارة التلاتة المختلفة
السباكة والكهرباء وتجهيز حلوق الابواب والشبابيك ومن بعدهم المحارة كل دي الخطوات اللي بتكون من اهتماماتك اللي لأزم يتم الانتهاء منها بأفضل طريقة في تشطيب شقتك ، بس عشان توصل لأفضل طريقة لأزم يكون عندك العلم بأنواع كل حاجة منهم وأيه هيبقى أفضلهم لبيتك ، المحارة ؟!
هي خطوة أساسية في تجهيز الشقة هدفها زيادة قوة وصلابة الجدار أو الحائط في شقتك عن طريق إنشاء جدار أسمنتي إضافي ، كمان ليها دور أساسي في إن دهان الشقة أو التشطيب النهائي يكون بشكل جيد
النوع الأول : محارة الإدة أو النظر
دي من أسوأ أنواع المحارة في الجودة النهائية لأنها تعتمد على تقدير شخصي من الصنايعي للكمية المستخدمة وبتكون من أقل الانواع في التكاليف وعيوبها بتبدأ تظهر بشكل كبير في الدهان والتشطيب ودي مش بنصحك انك تستخدمها في شقتك
النوع الثاني : محارة البؤج والأوتار
دي الدرجة الثانية واللي تعتمد على معرفة وزن الحائط أو الجدار بكتل اسمنتية ومنها الصنايعي بيحدد العيوب الحالية في الجدار ويعالجها وتكون النتيجة هي حائط سليم بدون عيوب أو عدم تساوي بالإضافة لأنها الأشهر بين صنايعية السوق المصري
النوع الثالث : محارة البوؤج والاوتار والزاوية الفليكسيبل
دي أعلى الانواعى في الشقق وبين الصنايعية و تكون مزيج من نوع البؤج والأوتار بالإضافة إنه بيتم عليها زاوية 90 درجة واللي منها بيؤدي أن يكون كل حوائط الشقة متساوية ومتقاربة في المقاس .
ازاي اضمن ان محارة الشقة تكون بجودة عالية ؟
الجودة وأن يكون التكلفة اللي تدفعها مساوية اللي بتاخده من الصنايعية من أهم الحاجتين اللي لأزم تركز عليهم وأنت بتبني وبتجهز شقتك ، بس إزاي تضمن أن المحارة اللي طلبتها هتكون بجودة عالية مناسبة لشقتك
تابع مع الصنايعي الخطوات دي عشان تتأكد ان محارتك مظبوطة
التأكد من قيام الصنايعي بإزالة أي زوائد خرسانية في الجدران والحوائط بالإضافة للزيادة الخشبية اللي بيتكون من موجودة كباقي بعد فك الشدة الخشبية
التأكد من حك الحائط بفرشاة سلك لإزالة المواد العالقة والأتربة والبواقي مع إزالة للزيوت والشحومات الموجودة في الأسطح والحوائط
التأكد من رش الأسطح والحوائط بماء كتير للتأكد من عدم شرب الحائط الكمية الاسمنتية ” المونة “
التأكد من سد علب الكهرباء بورق مقوى بالإضافة لسد فتحات المواسير
التأكد من تنظيف مكان المحارة بشكل كامل لأن هناك إمكانية لاستخدام المحارة المهدرة على الأرضية النظيفة مرة أخرى على عكس المحارة المهدرة على الأرضية غير النظيفة
التأكد من عدم استخدام الصنايعي للجبس مع المونة وده لأنه بيؤدي لتشقق الحائط فيما بعد
التأكد من مهارة وأمانة الصنايعي فهو أول خطوات ضمان جودة المحارة والتشطيب في شقتك
التأكد من ترك إعطاء الحوائط الفترة الكافية للتجفيف
التأكد من اختيار اسمنت جيد في عملية تحضير المونة
في مشاكل تواجه ملاك الشقق بعض المحارة زي مشكلة اسمها التصدع ودي تنتج عن بعض الأخطاء اللي بيعملها الصنايعي واللي منها
زيادة في نسبة الاسمنت في خلطة المونة الاسمنتية للمحارة
عدم تواجد سلك في أماكن الفواصل
وجودة طبقة سميكة من اللياسة في بعض المناطق
قلة الجودة في أعمال المباني بين الفواصل
عدم الترابط بين حوائط المباني
معرفتك لكل أنواع المحارة وإزاي تحصل علفي شقتك بجودة عالية بيساعدك على أن يكون دهان الشقة إيضاً بجودة عالية