أعرف الفرق في عقود تشطيب الشقة

قرار تشطيب الشقة و الاتجاه لاختيار شركة او مكتب إنشائي للقيام بهذا العمل العظيم والمهم في شقتك محتاج منك إنك تكون على علم بكل خطوة فيه بداية من اختيار الشركة اللي هتبدأ في تنفيذ كل اللي بتحلم بيه تكملة بتحديد نوع التعاقد اللي بينك وبين الشركة وبداية تنفيذها الفعلي في خطوات تشطيب الشقة لحد تسليمها ليك الشقة  على المفتاح جاهزة وزي مانت عايز بالظبط …

كل الخطوات والمراحل دي بتحتاج منك إنك تكون عارف تفاصيلها وعارف ايه اللي ينفع يتعمل فيها وإيه اللي لا وتتجنب منها كل الخسائر اللي تعرض ليها

المرحلة الأولى  اختيار شركة التشطيب 

التشطيب  مش بس عبارة محارة وكهرباء و اختيار للسيراميك وبس

كمان بيكون في جزء كبير للجانب ديكور في الشقة زي اختيار الألوان ، التصاميم ، طبيعة الشقة ستايلها

اول خطوة لأزم تعملها في اختيار الشركة هي انك تكون عامل بحث وجمع معلومات كتير عن  الشركة اللي هتنفذ طلبك اللي حابب انه يكون موجود في شقتك

 

المرحلة الثانية  إتمام التعاقدات 

ودي نقطة مهمة جداً ، لأنك قبل ما تقرر تمضي عقد تشطيب مع إي شركة او مكتب لأزم تكون عارف الفرق بين انواع تعاقدات التشطيب لأن كل واحد فيهم له مزايا وعيوب مختلفة عن غيره ، اختار المناسب ليك واللي منه تضمن حقك وحق الشركة اللي بتشطلبك

النوع الأول من عقود تشطيب الشقق

التعاقد بنسبة من البناء ( Cost Plus )

الهدف من التعاقد بالطريقة دي هي انك بتحاسب على كل جزء في التشطيب بشكل منفصل وعلى حدا + إنك بتدفع نسبة مقابل الإشراف على التنفيذ

الفكرة في التعاقد ده إن الشركة بتقدملك فاتورة مقدمة أو أسعار مصنعيات فعليه ومتفق عليها وتضيف النسبة الخاصة للشركة مقابل الإشراف على إنها تنفذ لك كل اللي محتاجه وبيكون فيه وقت محدد للدفع إما كل شهر او وقت متفق عليه

بس النوع ده من التعاقد للتشطيب بيكون فيه مزايا وعيوب ليك لأزم تعرفها قبل ماتختار تتعامل بيه

مميزات التعاقد بنسبة من البناء

النوع ده بيوفر لك الحرية الكاملة في إنك تغير في طلباتك أثناء التنفيذ بدون مشاكل مع المقاول وقتها

كمان بيديك الحرية في إنك تختار أن يكون في تعاقد مفصل بينك وبين الشركة أو تعاقد بسيط موضح فيه بس اسعار المصنعية او الفاتورة الأساسية بالإضافة لنسبة الشركة

تضمن من خلال التعاقد إنك هتكون مطلع على كل الفواتير اللي الشركة اشترت بها مواد أو اتفقت على مصنعية

في التعاقد بنسبة من البناء ، الشركة بتحاول إنها توفر لك عروض افضل ليك وده بيكون أفضل عن لو اتعاملت لوحدك

اما عن عيوب التعاقد بنسبة من البناء

النوع ده من التعاقد يلغي فكرة أن يكون في بنود واضحة بينك وبين الشركة في جزئية التكاليف بالتالي بتعرضك لاحتمال أن التكاليف تزيد اثناء الشغل

جزئية التكاليف مش بس اللي مش بتكون واضحة ، من المحتمل أن يكون في زيادة في كميات المواد المطلوبة واللي بيكون النتيجة النهائية هي أن العميل يتحملها

في نوعية التعاقدات دي الشركة ملهاش أو عليها أي مسؤولية عن الهدر والخسائر اللي بيحصل في مواد التشطيب من الصنايعية لأن وقتها شغلها كله ينحصر في الأشراف على أن يكون التشطيب بجودة عالية

سعر التشطيب بيكون متحدد بشكل تقديري وليس فعلي يتحدد بشكل فعلي غالباُ قبل الانتهاء من تسليم الشقة

قبل ما تقرر تستخدم النوع ده من التعاقدات لأزم تتأكد من أمانة المقاول أو الشركة اللي تتعامل معاها

النوع الثاني من عقود تشطيب الشقق

التعاقد بالبند ( Unit Rate )

في الحالة دي الشركة بيكون مسئول عن تحديد سعر كل جزء في تشطيب الشقة من اول تحديد المواد المستخدمة و الصنايعية اللي بيشتغلوا في الشقة

وتبقى إنت عليك مسئولية إنك تدفع ثمن كل جزء بناءً على سعره اثناء الشغل ، يعني مبتدفعش القيمة الإجمالية مقدماً ، مع كل بداية شغل في مرحلة من مراحل التشطيب بتدفع الجزء الخاص بها

ودي بيخليك تاخد مجموعة من المميزات أهمها

في وقت الدفع بيكون شامل جميع اجزاء البند من مواد مستخدم لمصناعية ومش محتاج تدفع فلوس تانية على كل بند

في حالة تغير الأسعار عن وقت تحديد الأسعار الشركة وقتها بتتحمل الفرق ده

إثناء التنفيذ بيكون في هدر وخسائر لبعض المواد ده بيتحمله الشركة او المقاول اللي بتتعامل معاهم

النوع ده من التعاقد بيكون أكثر دقة من النوع الأول لأن المقاول او الشركة وقتها محددين قيمة كل بند الإجمالي وبكل تفاصيله

أما عن العيوب فأكيد نوع التعاقد بنظام البنود له عيوب زي

في حالة إختلاف في الكميات المطلوبة في التشطيب بيكون تحمله على العميل مش الشركة او المقاول

التعاقد من النوع ده محتاج دائماً أن يكون في توضيح لك بند بكل تفاصيله للطرفين وحفاظاً لحقهم

قلة المرونة في تغيير الطلبات اللي محتاجها في شقتك ، وإذا كان في تغيير فوقتها فرق الكميات والتكاليف عليك إنت

النوع الثالث من عقود تشطيب الشقق

التعاقد بالمقطوعية (Lump Sum )

بيطلق عليه ما بين المقاولين والشركات نظام التعاقد بالقطاعي وده لأنه وقتها بيكون النظام بينك وبين المقاول او الشركة هو إن الشركة بتحدد كل المقاسات المطلوبة بالتفصيل في كل بنود التشطيب و بيتم الاتفاق على أنواع الخامات والمصنعيات المطلوبة لإنهاء أعمال التشطيب

ولكن وقت الحساب بيكون بعد إنتهاء كل بند من البنود بدفعات متزامنة مع العميل

الفرق بينها وبين النوع الثاني من التعاقدات

في النوع التاني انت بتدفع اثناء الشغل تمن كل بند منفصل

في النوع الثالث الدفع بيكون بعد انتهاء الشغل وتسليمه وقبل البدء في تنفيذ بند تاني من التشطيب

من المميزات الخاصة بالتعاقد بالمقطوعات

إن سعر التعاقد بيبقى شامل كل الأعمال والمواد المطلوبة بالتفصيل

الشركة أو المقاول بيكون عليه مسؤولية تحمل تكلفة إي تغيرات في السعر أو في الكميات المطلوبة في التنفيذ

وفي حالة وجود هدر أو خسائر في التنفيذ تكون من مسئولية الشركة او المقاول إنه يتحملها

المبلغ الإجمالي للتشطيب بيكون محدد من اول يوم بعد التعاقد وفي حالة التغيير بيكون على مسئولية الشركة او المقاول

عيوب التعاقد بالمقطوعية

وضوح وشمول وتفصيل كل بند من البنود تجنباً لمشاكل أثناء العمل

قبل التنفيذ الفعلي للشغل لأزم يكون في تصميم واضح ومتفق عليه من الطرفين

إذا كان في رغبة من العميل تغيير أي بند من البنود ده ينتج عنه تغيير في الأسعار وبالتالي يجب إعادة بنود العقد مرة أخرى

دي كانت أنواع التعاقدات اللي تتم بين الشركات او المقاولين وبين الطرف الثانى ( العميل ) واللي منها بيبني طريقة التنفيذ والشغل في تشطيب الشقة و يكون الضامن للطرفين في حقوقهم

أتأكد و انت بتختار الشركة المنفذة لتشطيب شقتك او المقاول إن في تعاقد بينكم يضمن حق الطرفين ويجنبك الوقوع في خسائر او مبالغ مالية إضافية اثناء الشغل